ప్రస్తుతం తెలుగు సినిమా ఖ్యాతి ఖండాంతరాలు దాటి ప్రపంచవ్యాప్తం అయింది. బాహుబలి, ఆర్ఆర్ఆర్ వంటి సినిమాలు మన సినీ కీర్తి ప్రతిష్టలని విశ్వవ్యాప్తం చేసాయి. ఆ మూవీస్ ఇచ్చిన జోష్ తో ఆ తరువాత ఒక్కొక్కటిగా పాన్ ఇండియన్ సినిమాలు రెడీ అవుతున్నాయి. ఆ విధంగా కొన్నాళ్ల క్రితం పూణే ఫిలిం ఇన్ స్టిట్యూట్ లో తన స్నేహితులతో కలిసి యాక్టింగ్ లో శిక్షణ తీసుకున్న కొందరు విద్యార్థులు కలిసి ఫ్రెండ్స్ అండ్ ఫిలిమ్స్ అనే బ్యానర్ ని స్థాపించి, దానిపై హిందీ, తెలుగు భాషల్లో కాలా బార్ బేరియన్ చాప్టర్ 1 అనే సినిమాని నిర్మించారు. కాగా ఇందులో మంచి పెర్ఫార్మన్స్ కి స్కోప్ ఉన్న నెగటివ్ పాత్రలో కరీంనగర్ కు చెందిన ప్రజ్ఞన్ అనే యువ నటుడు నటించారు. చిన్నప్పటి నుంచి సినిమాల మీద ఆసక్తి కలిగిన ప్రజ్ఞన్ చైల్డ్ ఆర్టిస్ట్ గా నాలుగైదు చిత్రాల్లో నటించాడు.
ఆ తర్వాత పూణేలో మల్టీ మీడియాలో నైపుణ్యం సాధిస్తూ ప్రత్యేక శిక్షణ పొంది, ప్రస్తుతం కాలా బార్ బేరియన్ చాప్టర్ 1 లో విలన్ గా నటించాడు. కాగా కాలా బార్ బేరియన్ చాప్టర్ 1 మూవీ పోస్టర్, ట్రైలర్ లాంచింగ్ ఈవెంట్ ఈ రోజు ఫిల్మ్ ఛాంబర్ లో జరిగింది. ఈ కార్యక్రమంలో తెలంగాణ సాహిత్య అకాడమీ ఛైర్మన్ జూలూరీ గౌరీ శంకర్, తెలంగాణ సాహిత్య అకాడమి కార్యదర్శి బాలాచారి, తెలుగు చలనచిత్ర నిర్మాతల మండలి కార్యదర్శి ప్రసన్నకుమార్, విశ్వబ్రాహ్మణ ఆత్మగౌరవ ట్రస్ట్ ఛైర్మన్ సుందర్, రామసుబ్బారెడ్డి, సచిన్ కొత్వాల్ తదితరులు పాల్గొన్నారు. ముందుగా ఈ కార్యక్రమంలో ప్రముఖ దర్శకుడు ఎన్. శంకర్ మాట్లాడుతూ, ట్రైలర్ చాలా ఇంట్రస్టింగ్ గా ఉంది.
ప్రజ్ఞన్ తన క్యారెక్టర్ కు తగ్గట్టుగా చాలా బాగా నటించాడు. ఖచ్చితంగా ఈ సినిమా తెలుగులో సక్సెస్ అవ్వాలని అతడికి మరిన్ని అవకాశాలు రావాలని కోరుకుంటున్నాను అన్నారు. అనంతరం విలన్ గా చక్కటి నటనను కనబరిచిన ప్రజ్ఞన్ మాట్లాడుతూ, కరీంనగర్ జిల్లాలో పుట్టిన నేను ఫూణేలో వర్క్ చేసుకుంటూ నటనలో శిక్షణ పొందాను. నా తొలి సినిమా కాలా బార్ బేరియన్ చాప్టర్ 1 లో విలన్ గా నటించడం గొప్ప అనుభూతినిచ్చిందని అన్నారు. అయితే అన్ని విభాగాలలో శిక్షణ పొందడం వలన ఈ సినిమాలో నటించడం నాకు పెద్ద కష్టం అనిపించలేదన్నారు. ఇక ఈ సినిమాలో నేను ఒక సైకో, మల్టీ పర్సనాలిటీ, నెక్రోఫిలియక్, ఇలా చాలా వేరియషన్స్ వున్న పాత్రల్లో నటించడం, నా నటనని యూనిట్ లో అందరూ మెచ్చుకోవడం జరిగిందన్నారు. అలానే దర్శకుడు జింటో చాకో శామ్యూల్ సినిమాను చక్కగా తీసారని, పూణేలో షూటింగ్ సమయంలో సినిమాలోని ప్రతి ఫ్రేమును సినిమాటో గ్రాఫర్ ఆరీఫ్ అందంగా మలిచారు.
ముఖ్యంగా సినిమాకు గౌరవ్ అందించిన బ్యాక్ గ్రౌండ్ మ్యూజిక్ హైలైట్ గా నిలుస్తుందని, మంచి కథా బలం వున్న ఈ సినిమాలో నటీ నటులందరూ పూణే ఫిల్మ్ ఇన్టిస్టిట్యూట్ లో శిక్షణ పొందిన వారే అవడం విశేషం అని తెలిపారు. అలానే అతి త్వరలో తెలుగులో కూడా దీనిని విడుదల చేస్తున్నాం అని తెలిపారు. కాగా ప్రస్తుతం తెలుగుకు సంబంధించిన పోస్ట్ ప్రొడక్షన్ వర్క్ జరుగుతోందని, సినిమాని ఎస్. ఆర్. ఆర్ ప్రొడక్షన్స్ అధినేత పరుపాటి శ్రీనివాస రెడ్డి తెలుగులో గ్రాండ్ గా విడుదల చేయనున్నారని అన్నారు. ఇంకా పూణే ఫిల్మ్ ఇన్టిస్టిట్యూట్ విద్యార్థులు నిర్మించిన ఈ సినిమాలో వరుణ్ సింగ్ రాజ్ పుట్, స్థుతి, చయనిక తో పాటు పలువురు ఇతర నూతన నటీనటులు నటించారు. కాగా ఈ సినిమాకి ఎడిటర్ గా శావని మోహిత్ అందించగా కథ, మాటలు, స్క్రీన్ ప్లే ని జస్టిన్ థామస్, ఆర్ట్ డైరెక్టర్ గా రుద్ర రోహిత్, ఎగ్జిక్యూటివ్ ప్రొడ్యూసర్ గా సచిన్ కొత్వాల్ పని చేశారు.
Social Plugin