సోషల్ మీడియాలో కుల వివక్ష వాఖ్యలు చేసిందని గతంలో నమోదైన కేసు ఆధారంగా తమిళ నటి మీరా మిథున్ ను కేరళ లో తమిళనాడు సైబర్ క్రైమ్ వింగ్ అరెస్ట్ చేసింది. ఆగస్టు 12న ఆమె పోలీసులు ఎదుట హాజరు కానందుననే తాము అరెస్ట్ చేసినట్టు వాళ్లు తెలిపారు. విదుతలై చిరుతైగల్ కట్చి (వీసీకే) నాయకుడు మరియు మాజీ ఎంపీ వన్నీ అరసు ఇచ్చిన ఫిర్యాదు ఆధారంగా ఆమెపై కేసు నమోదు చేయబడినట్టు తెలిసింది. తమిళనాడు అంటరానితనం నిర్మూలన ఫ్రంట్ కూడా మితున్‌పై ఫిర్యాదు చేసింది. మీరా వీడియోలో, ఉద్దేశపూర్వకంగా, "నేను ఎస్సీ కమ్యూనిటీ సభ్యుల గురించి చెడుగా మాట్లాడటం లేదు. అయితే, చట్టవ్యతిరేక కార్యకలాపాలు మరియు నేరాలలో పాల్గొనడం వలన సమాజంలోని సభ్యులు ఎక్కువగా సమస్యలను ఎదుర్కొంటున్నారు." సినీ పరిశ్రమలో, ఎస్సీ డైరెక్టర్లు మరియు సమాజంలోని ఇతర వ్యక్తులు "చౌక పనులు" చేస్తున్నారు. "ఎస్సీ డైరెక్టర్లు మరియు సినిమా పరిశ్రమలోని ఇతర వ్యక్తులందరినీ బయటకు తీయాల్సిన సమయం ఇది" అని ఆమె వీడియోలో చెప్పారు.
Social Plugin